എനിക്ക് ജോലി കിട്ടി, അറബികളുടെ നാട്ടില് ഒരു യൂറോപ്പ്യന് കമ്പനിയില്. ഒരു ബാഗില് ഒരു കുപ്പി മിനറല് വാട്ടറും ഓരോ പാക്കറ്റ് ഹൈഡ് ആന്ഡ് സീക്ക് ബിസ്ക്കറ്റും ക്രീം ബിസ്ക്കറ്റും കപ്പലണ്ടി മിഠായിയും വച്ച് നല്ലൊരു ദിവസം നോക്കി ഞാന് ഇന്റര്വ്യൂന് പോയി. ബിന്ലാദന്റെ പേരിനെ ഓര്മ്മിപ്പിക്കുന്ന ഒരു അറബിക്കുട്ടനാണ് ചോദ്യോത്തര പംക്തി നടത്തിയത്, അതിനിടെ ഞാന് വെള്ളം കുപ്പിയും ബിസ്കറ്റു പാക്കറ്റും വച്ച എന്റെ മടിയില് വച്ചിരുന്ന ബാഗ് താഴത്തിട്ട് രണ്ടു പ്രാവശ്യം അറബിക്കുട്ടനെ ഞെട്ടിച്ചു. സാമാന്യം നല്ല സൌണ്ടുണ്ടാക്കി എന്റെ ബാഗ് രണ്ടാം പ്രാവശ്യവും താഴത്ത് വീണപ്പോ, അറബ്ബിക്കുട്ടന് എന്നോട് വേഗം “യൂ ആര് സെലക്റ്റഡ്‘ എന്നു പറഞ്ഞു. പാവം സൌണ്ട് കേട്ടിട്ട് പേടിച്ചു പോയി, ഇന്ത്യയില് പൊട്ടാതെ കിടന്ന ബോംബും ബാഗിലിട്ടാണ് എന്റെ നടപ്പ് എന്ന് കരുതിയിട്ടുണ്ടാവും.
ഏതൊരു മലയാളിയുടെയും പോലെ എനിക്കും ജോലിയെ പറ്റി വളരെ കുറച്ച് ഡിമാന്ഡ്സേ ഉണ്ടായിരുന്നുള്ളൂ. ആഴ്ചയില് രണ്ടു ദിവസം മുടക്ക്, ജോലി ചെയ്തില്ലെങ്കിലും കൃത്യമായ ശമ്പളം, സഞ്ചരിക്കാന് കമ്പനി കാറ് വിത്ത് പെട്രോള് ആന്ഡ് ഡ്രൈവറ്, പിന്നൊരു അക്കമോഡേഷനും. ഓഫീസിന് വെള്ളി, ശനി മുടക്കായതു കാരണം അത് ചോദിക്കേണ്ടി വന്നില്ലാ, പിന്നെ ശമ്പളം, അറബ്ബിമാനേജര് എന്നോട് എക്സ്പെക്റ്റഡ് സാലറി ചോദിച്ചു, ഞാന് എന്റെ ചേട്ടായി ചോദിക്കാന് പറഞ്ഞ ശമ്പളത്തിനെക്കാളും ആയിരം ദിര്ഹം കൂട്ടി ചോദിച്ചു. അപ്പോ അയാള്ക്ക് നിര്ബന്ധം യു.എ.ഇ. എക്സ്പീരിയന്സില്ലാത്തതുകൊണ്ട് ഞാന് ചോദിച്ചതിനെക്കാളും ആയിരം കുറച്ചെ തരുള്ളൂന്ന്. ഞാനധികം വാശി പിടിക്കാനൊന്നും നിന്നില്ലാ, വേഗം നെഗോഷ്യേറ്റ് ചെയ്തു, , എനിക്കറിയാമായിരുന്നു ഇവന്മാരൊക്കെ ചോദിച്ചതിനെക്കാളും കൂറച്ചെ തരൂന്ന് അതുകൊണ്ട് നമ്മളാദ്യമേ കൂട്ടി ചോദിച്ചതുകൊണ്ട് വിചാരിച്ച ശമ്പളം കിട്ടി, ഞാനാരാ മോള് . പിന്നെ കമ്പനി കാറ് ഞാന് ചോദിച്ചില്ലാ, ചേട്ടായി പറയണത് നടന്നു പോവാനുള്ള ദൂരമേയുള്ളൂ, എന്നും നടന്നു പോയാല് ഞാനും ഫിലിപ്പിനി പെണ്കുട്ടികളുടെ പോലെ സ്ലിം ആവൂത്രെ, പോരാത്തതിന് ഗവണ്മെന്റ് വക എ.സി. ബസ്സിലും ചൂടുകാലം കഴിയണവരെ പോകാം. അറബികള് ഭയങ്കര ബുന്ധിമാന്മാരും ഇംഗ്ലീഷ് ഭാഷ കൈകാര്യം ചെയ്യുന്നതില് വളരെ മിടുക്കന്മാരും ചൂടന്മാരുമാണെന്ന് എന്റെ കസിന്ബ്രദറ് വാണിങ്ങ് തന്നിരുന്നു, സൂപ്പര്മാര്ക്കറ്റില് ഓയില് വാങ്ങിക്കാന് വന്ന ഒരു അറബി ഓയില്ബോട്ടില്മെ ‘കൊളസ്റ്റ്രോള് ഫ്രീ’ എന്നെഴുതി വച്ചിരിക്കുന്നത് കണ്ട് ഫ്രീ‘യുള്ള സാധനം ചോദിച്ച് വഴക്കുണ്ടാക്കിയതിനും, ഫ്രീ ഒന്നുമില്ല എന്ന് സൂപ്പര്മാര്ക്കറ്റിലെ സെയിത്സ്മാന് പറഞ്ഞപ്പോള് ‘കൊളസ്റ്റ്രോള് ഫ്രീ‘ എന്നെഴുതിയിട്ടുണ്ടല്ലോ, “കൊളസ്റ്റ്രോള്“ ഫ്രീ ആയി കിട്ടാതെ പോവില്ലാന്നു പറഞ്ഞതിനും ദൃക്സാക്ഷിയാണ് കസിന്ബ്രദറ്. അതുകൊണ്ട് അക്കമൊഡേഷന്റെ കാര്യം ഞാന് മിണ്ടാനെ പോയില്ലാ.
പിന്നീട് അയാള് ഞാന് ചെയ്യേണ്ട ജോലിയെ പറ്റി എക്സ്പ്ലെയിന് ചെയ്തു. ഭയങ്കര ഉത്തരവാദിത്തമുള്ള ജോലിയാണത്രേ, എന്റെ ജോലിയില് ഒരു ചെറിയ തെറ്റ് പറ്റിയാല് കമ്പനിക്ക് പെനാല്റ്റി അടക്കേണ്ടി വരുമത്രേ. അപ്പോ ഞാന് ഇന്നസെന്റ് സ്റ്റൈലില് ഒന്നു ചിരിച്ചിട്ട് ഇങ്ങനെ ചിന്തിച്ചു ‘ചെറിയ തെറ്റ് ചെയ്താലല്ലേ പ്രശ്നമുള്ളൂ, നമ്മള് ചെറുതായിട്ടൊന്നും ചെയ്യില്ലാ, ചെയ്യുമ്പോ നല്ല വണ്ടന് മിസ്റ്റേക്കേ ചെയ്യൂള്ളൂ, അപ്പോ പിന്നെ പ്രശ്നമില്ലല്ലോ, അതു മാത്രമല്ലാ, കമ്പനിയല്ലെ പെനാല്റ്റി അടക്കണത്, നമ്മടെ ശമ്പളത്തീന്നൊന്നുമല്ലല്ലോ. അറബിക്കുട്ടന് ബുന്ധിയുണ്ട്, ഞാന് മനസ്സില് വിചാരിച്ചത് മനസ്സിലാക്കിയിട്ടെന്ന പോലെ അയാള് പറഞ്ഞു മിസ്റ്റേക്ക് റിപീറ്റ് ചെയ്താല് പെനാല്റ്റീടെ കുറച്ച് ശതമാനം നമ്മടെ സാലറീന്നു കട്ട് ചെയ്യുംന്ന്. അത് അയാള് തമാശക്ക് എന്നെ പേടിപ്പിക്കാന് ചിരിച്ചുകൊണ്ടാണ് പറഞ്ഞത്, ഞാനേതായാലും പേടിച്ച പോലെ കാണിച്ചു. ഞാന് പത്ത് കൊല്ലമായി ചെയ്തുകൊണ്ടിരുന്ന പണിയല്ല ഈ കമ്പനിയില്, ‘കട്ടവനെ കിട്ടിയിലെങ്കില് കിട്ടിയവനെ പിടിക്കുക’ എന്നു പറഞ്ഞ പോലെ ഞാന് അപ്ലെ ചെയ്ത ജോലിക്ക് അവിടെ വാക്കന്സി ഫില്ലായി, അപ്പോ വാക്കന്സിയുള്ള ജോലിക്ക് എന്നെ സെലക്റ്റ് ചെയ്തു, എന്തായാലും ഞാന് ലൈനൊന്നു മാറ്റി പിടിക്കാന് തീരുമാനിച്ചു. കുറെ ദിവസം വര്ക്ക് പെര്മിറ്റ് കിട്ടണതും നോക്കിയിരുന്ന് ഈ മാസം തൊട്ട് ഞാന് വലതുകാല് വച്ച് ജോലിക്ക് കയറി, ഇനിയങ്കട് ആ കമ്പനിക്ക് വച്ചടി വച്ചടി കയറ്റമായിരിക്കും, അങ്ങനെയല്ലേ ടാറ്റയും ബിര്ളയുമൊക്കെ ഇവിടം വരെയെത്തിയത്.
എനിക്ക് ജോലി കിട്ടിയപ്പോ എന്റെ കെട്ട്യോനാണ് കൂടുതല് ടെന്ഷന്, ഞാന് ജോലിയില് വല്ല കുണ്ടാമണ്ടിയുമൊപ്പിച്ച് പുള്ളിക്കാരന്റെ ശമ്പളത്തീന്നെടുത്ത് പെനാല്റ്റി അടക്കേണ്ടി വരുമോന്നാണ് ഒന്നാമത്തെ ടെന്ഷന്. ചേട്ടായി ഓഫീസീന്ന് നേരം വൈകി വരുന്ന ദിവസങ്ങളില്, ചൂടുചായയും പഴമ്പൊരിയുമുണ്ടാക്കി “പൂമുഖവാതില്ക്കല് സ്നേഹം വിടരത്തുന്ന പൂത്തിങ്കളാകുന്നു ഭാര്യ’ മോഡലില് റെഡിയായി നിക്കുന്ന ഞാന് പുള്ളിക്കാരന് വീട്ടിലെത്താന് നേരം വൈകി ചൂടുചായ തണുക്കുന്തോറും ഞാന് ചൂടായി വരികയും എന്നിലെ പൂത്തിങ്കള് ഭാര്യ ഒരു മാതിരി വിസിലടിക്കാന് മുട്ടി നില്ക്കുന്ന പ്രഷര്കുക്കറിന്റെ അവസ്ഥയിലേക്കെത്തി ചേരുകയും, പൂള്ളിക്കാരന് വീട്ടിലെത്തിയാലുടനെ മിനിമം 3-4 വിസില് ഒരുമിച്ചടിക്കുകയും ചെയ്യാറുണ്ട്, അതൊക്കെ മിസ്സ് ചെയ്യുമോന്നാണ് പുള്ളിക്കാരന്റെ രണ്ടാമത്തെ ടെന്ഷന്. ഞാന് ജോലിക്കു പോണ പത്രാസില് വീട്ടുജോലികളൊക്കെ ഭാഗം വച്ചപ്പോള് തനിക്ക് ഭാഗംവപ്പില് കിട്ടിയ ജോലികളൊക്കെ എങ്ങനെ ചെയ്തുതീര്ക്കുമെന്നാണ് പുള്ളിക്കാരന്റെ മൂന്നാമത്തെ ടെന്ഷന്. എനിക്കാണെങ്കില് ഓണത്തിന്റെ പരിപാടികള് ടി.വിയില് വരുന്നതൊന്നും കാണാന് പറ്റില്ലല്ലോന്നായിരുന്നു ടെന്ഷന്.
ചുരുക്കി പറഞ്ഞാല് എന്നും രാവിലെ എണീറ്റ്, ഭര്ത്താവ് ഓഫീസിലേക്കും കുട്ട്യോള് സ്ക്കൂളില്ക്കും പോയി കഴിഞ്ഞാല് ബ്ലോഗ് തുറന്ന് പോസ്റ്റുകള് നോക്കിയിരുന്നിരുന്ന ഞാന് ഇപ്പോ ഫയലുകളും നോക്കി ദിര്ഹത്തില് ശമ്പളം കിട്ടുന്നതും നോക്കിയിരിപ്പാണ്. അപ്പോ എല്ലാരും മിഠായി എടുക്കൂ, ആഘോഷിക്കൂ.
Monday, September 22, 2008
Subscribe to:
Post Comments (Atom)
42 comments:
njaan thenga pottiche..((()))
ini vaaichittu commentam tto
appol joli okke aaayi alle?
ini gamayokke koodi nammale mind cheyyumo?
mittayi edukkoo akoshikkoo...
evide mittayi...
njaan ente bagil ninnum oru naranga mittayi kazhichuttooo
naatil varumbol oru petty snickers
kondu thannolutto?
ഈശ്വരാ, ആ ക്മ്പനീടെ അവസ്ത... ഇനി അവിടെ ഉള്ളൊരൊക്കെ എന്തെല്ലാം സഹിക്കണം... ജോലി ഭാരം കാരണം ബ്ലൊഗ് എഴുത്തു കുറയില്ല എന്ന് വിശ്വസിക്കുന്നു... :-D
ഞാൻ ഞൊട്ടി, അല്ല ഞെട്ടി, ഇനി ആ കമ്പനിക്കാരു് കൂടി കുത്തുപാളയെടുക്കുന്നതും മനസ്സിൽ കണ്ട്...
അറബികള് ഭയങ്കര ബുന്ധിമാന്മാരും ..... അറബിക്കുട്ടന് ബുന്ധിയുണ്ട്,... ഈ അല്പോൻസാമ്മയ്ക്ക് അപാര ബുന്ധ്യന്നെ..!!
ജോലി കിട്ട്യേന് ചെലവ് ചെയ്യണം.
ഇനി, ജോലീടെ പേര് പറഞ്ഞ് ഈ പണ്യങ്ങാനും നിർത്ത്യാ ഞാൻ വിസേം വേടിച്ച് അങ്ങ്ട് ഒരു വരവ് വരും... പറഞ്ഞില്ല്യാന്ന് വേണ്ട..
ചാത്തനേറ്:ശ്ശെടാ അപ്പോള് ആ പതിവ് “ഞാനിതാ വിടവാങ്ങുന്നു”+ കണ്ണീര് + ഗദ്ഗദ് എന്നീ പരിപാടികള്ക്കൊന്നും ഇവിടെ സ്കോപ്പില്ലേ!!!! എന്നാലും ഒരു നൂറ് “അയ്യോ അല്പൂ പോവല്ലേ”+ നെഞ്ഞത്തടി + നിലവിളി കമന്റുകളെങ്കിലും പ്രതീക്ഷിക്കട്ടെ?
ഓടോ:ആശംസകള്(അല്പൂന്)... ബാഷ്പാഞ്ജലികള്(ആ ബിന്നൂനും കമ്പനിക്കും)
ഓടോടോ: ഫ്രീ ആയിട്ട് ഞെട്ടിയിരിക്കുന്നു....
പുതിയ ജോലി ഒക്കെ കിട്ടി...
ഇനി ടാറ്റയേയും ബിര്ലയേയും ഓര്ത്തൊരു വിഷമമേ എനിക്കുള്ളു...അവരുടെ അവ്സ്ഥ് ഇനി എന്താവുമോ ആവോ....
:(
നന്നയിട്ടുണ്ട്....
ഇനീപ്പോ ലീവ് എടുക്കാല്ലോ..
ജോലി കിട്ടിയതിന്റെ സ്പെല്ലിംഗ് മിസ്റ്റേക്ക് ബ്ലോഗ്ഗിലുണ്ട്.. പക്ഷെ കമന്റ് വായിച്ചപ്പോഴേ അത് മനസ്സിലായുള്ളൂ..
അല്ഫോന്സക്കുട്ടിക്ക് ആശംസകള്, ചേട്ടായിക്ക് ഫ്രീ ആയി ഒരു "ബെസ്റ്റ് ഓഫ് ലക്ക്"
അല്ഫൂ...
ജോലി കിട്ട്യാലും കിട്ടീല്ലെങ്കിലും റ്റെന്ഷന്....എന്ന മട്ടിലാണോ ഇപ്പൊ..!!!
:)
അതങ്ങ്ട് ശീലായിക്കോളും.
മംഗളാശംസകള്..(ചേട്ടായിയ്ക്കും, ആ കമ്പനിക്കാര്ക്കും.)
തനിക്ക് തന്ന ജോലി തന്നാലാവും വിധം ചെയ്യുകയും, അതിനിടയില് ബ്ലോഗ് വായിക്കുകയും, കമന്റ് ഇടുകയും, ബ്ലോഗില് തന്നാലാവുന്നത് പൊസ്റ്റ് ചെയ്യുകയും ചെയ്യുന്ന ഞങ്ങളെ ഒക്കെ സമ്മതിക്കണം അല്ലേ അല്ഫോണ്സാമ്മേ..
ഏതായാലും ആശംസകള്
അല്ഫൂ...സെയിം പിന്ച്ച്...ഞാനും പോയി തുടങ്ങി..പുതിയൊരു ജോലിക്ക്.
ഒരു സെയിം പിന്ച്ച് കൂടെ...എനിക്കും ഓണം പരിപാടി കാണാന് പറ്റിയില്ല.
വേറെ ഒരു സെയിം പിന്ച്ച് കൂടി ഉണ്ടേ...ഞാനും വീട്ടിലെ ജോലികള് ഭാഗം വച്ചു..പക്ഷെ,മൂപ്പര് ആരാ മോന്? അത് ചെയ്യാതെ ഉഴപ്പി നടന്നതും,പോരാ..എന്നെ ചീത്ത പറയിപ്പിച്ചു അതും കൂടി ചെയ്യിച്ചു തുടങ്ങി.അങ്ങനെ ഞാന് മിസ്സിസ് .ആദര്ശ് എന്ന ലേബല് മാറ്റി,ഒരു മിസ്സിസ് ബൂര്ഷ്വാ ആവേണ്ട സമയം അതിക്രമിച്ചു എന്ന് മൂപ്പരുടെ മുഖത്ത് നോക്കി ഞാന് പറഞ്ഞു.
ഇനി സെയിം പിന്ച്ച് തരണില്ല....വേദനയെടുക്കും.പുതിയ ജോലിയൊക്കെ കിട്ടി പോകുവല്ലേ...ഓള് ദ ബെസ്റ്റ്...നടന്നു പോയി,ഫിലിപ്പിനോ പെന്കുട്ടികളുടെത് പോലെ സ്ലിം ബ്യൂട്ടി ആവാന് എല്ലാ ആശംസകളും!!
ആള് ദി ബെസ്റ്റ് (ഫോര്...ദാറ്റ് അറബി)
:)
അപ്പോ എല്ലാ വിധ ആശംസകളും...
( ആ അറബിക്കമ്പനി പൂട്ടിയ്ക്കല്ലേ )
;)
ഞെട്ടാന് തയ്യാറായിട്ടാ വായന തുടങ്ങിയതു്. പക്ഷേ ഞെട്ടിയില്ല.
കുട്ടിച്ചാത്തന് പറഞ്ഞപോലെ , ഒരു വിടവാങ്ങല് സീനും പ്രതീക്ഷിച്ചു. ഭാഗ്യം, അതും ഉണ്ടായില്ല.
ആശംസകള്, മംഗളാശംസകള് ... അത്രേം മതി അല്ലേ?
ഞെട്ടിപ്പിക്കുന്ന വാര്ത്ത എന്ന തലക്കെട്ടു കണ്ട് സാമാന്യം നന്നായി ഒന്നു ഞെട്ടാന് ഉള്ള തയ്യാറെടുപ്പ് എടുത്തിട്ടാ ഞാന് വന്നത്..ശരിക്കും ഞെട്ടുകയും ചെയ്തു.. ആ ഒച്ച അവിടെ കേട്ടില്ലേ അല്ഫുണ്ണീ..
ജോലി കിട്ടിയതിന് ആദരാഞ്ജലികള് !! പിന്നെ ഓഫീസ് സമയത്തും എങ്ങനെ ബ്ലോഗാം എന്നതിനെ കുറിച്ച് നമ്മുടെ ബഷീറിക്ക ( ബഷീര് വെള്ളറക്കാട് ) നല്ലൊരു പോസ്റ്റ് ഇട്ടിട്ടുണ്ട്..അതൊക്കെ പോയി ഒന്നു വായിച്ച് പഠിച്ച് ,എന്നും ഇല്ലെങ്കിലും വല്ലപ്പോളും ഒക്കെ ബ്ലോഗ്ഗിക്കോണം ട്ടോ.
ആശംസകള് !
ഞാനും എന്റെ ശക്തിയായ ഞെട്ടല് രേഖപ്പെടുത്തുന്നു.
പുതിയ ജോലിയ്ക്ക് ആശംസകള്.
ഞാനും എന്റെ ശക്തിയായ ഞെട്ടല് രേഖപ്പെടുത്തുന്നു.
പുതിയ ജോലിയ്ക്ക് ആശംസകള്.
എഴുത്തിനു ഒരു ഹ്യൂമെര് സെന്സുണ്ട്, പക്ഷേ അക്ഷരതെറ്റ് വായനയില് കല്ലുകടിയാവുന്നു:)
പുതിയ ജോലിക്കാശംസകള്!
പൂമുഖ വാതിൽക്കൽ
സ്വൈരം കൊതിക്കുന്ന
ഫൂത്തിങ്കളാകുന്ന ഫർത്താവ് ...
അപ്പോൾ ലതാണു ജ്വാലി കിട്ടിയ കഥ
അൽഫോൺസക്കുട്ടിയുടെ നർമ്മം കലർത്തിയ ശൈലിയിലിള്ള വിവരണം കൊണ്ട് ഈ പോസ്റ്റും മികച്ചതായിരുന്നു
ആശംസകൾ
അപ്പഴേ ആ മിഠായി കൊണ്ടൊന്നും ശരിയാകില്ല. ശരിക്കും ചിലവ് ചെയ്യണം. ആ കമ്പനിയുടെ വളർച്ചയിൽ ഈ സ്ലിം ബ്യൂട്ടിക്കും ഒരു വലിയ പങ്ക് വഹിക്കാനുണ്ടാവട്ടേ... ആശംസകൾ..
ഈ ശൈലി എനിക്കേറെ ഇഷ്ടപ്പെട്ടു.
അതിശക്തമായ ഞെട്ടല്!!
മിഠായി ഞാം ബാങ്ങിക്കോളം. പക്ഷേ കമ്പനി നശിപ്പിക്കരുത്. ആശംസകള്..
ആശംസകള്. ഇനിയിപ്പോള് ബ്ലോഗെഴുത്തിനും വായനക്കും സമയം ധാരാളമുണ്ടല്ലോ. നെറ്റ് ബില്ലടക്കുന്നതോ, കമ്പിനിയും.
..ഇങ്ങനെ ചിന്തിച്ചു ‘ചെറിയ തെറ്റ് ചെയ്താലല്ലേ പ്രശ്നമുള്ളൂ, നമ്മള് ചെറുതായിട്ടൊന്നും ചെയ്യില്ലാ, ചെയ്യുമ്പോ നല്ല വണ്ടന് മിസ്റ്റേക്കേ ചെയ്യൂള്ളൂ, അപ്പോ പിന്നെ പ്രശ്നമില്ലല്ലോ...ഹ ഹ
ജോലികിട്ടിയതിനു ആശംസകള്..
ഏത് ഓഫീസിൽ ആണെങ്കിലും എല്ലാസമയവും ജോലികാണുകയില്ല. ഇഷ്ടം പോലെ ഫ്രീസമയം കിട്ടും... അത് നന്നായി ആസ്വദിക്കുക...ബ്ലോഗിൽ വരിക.
ആശംസകൾ...
ആവുന്നപോലൊക്കെ അബദ്ധങ്ങള് ചെയ്യുക
മംഗളാശംസകള് ...
അതേ ഇങ്ങനെ പോയാല്
ഓരോ പാക്കറ്റ് ഹൈഡ്
ആന്ഡ് സീക്ക് ബിസ്ക്കറ്റും ക്രീം ബിസ്ക്കറ്റും
കപ്പലണ്ടി മിഠായിയും .. .
പഞ്ചാരകുട്ടിയാവും കേട്ടോ..
ലഞ്ച് ആരോഗ്യ പരമായി
ഫ്രൂട്ട്സ് /വെജ് സാലഡ് ആക്കൂ
‘പിലിപ്പിനിയെ’ പോലേ സ്ലിം ആവണ്ടേ?
ആള് ദ ബെസ്റ്റ് ..:)
ഒരു നവജാത ശിശു,
“ബ്ലൊഗ്ഗെഴുതണമെങ്കില് ദുബായില് തന്നെ ജോലി ചെയ്യണമെന്നു ,തോന്നുന്നു ഞാന് വായിക്കുന്നവെരെല്ലാം അറബി നാട്ടുകാര് ,ഒരു ജോലി എനിക്കും വാങ്ങിച്ചു തരുമോ........യോഗ്യത .റ്റി.റ്റി.സി....പിന്നെ അറബികളെപോലെ തന്നെ ഇഗ്ലീഷില് നല്ല വെവരം....
ആ അറ്ബിക്കെന്താ ഈ യൂറോപ്യന് കമ്പനിയോട് ഇത്ര വിരോധം..
“വരാനുള്ളത് വഴിയില് തങ്ങില്ല“ എന്നത് അറബിയില് അറബി ചൊല്ലുന്നത് നാം ‘അകക്കാതാല്‘ കേള്ക്കുന്നു.
സന്തോഷം. രസായിട്ട് എഴുതി. രസായിട്ട് വായിച്ചു. :)
അല്ഫോന്സാകുട്ടി ജോലി ചെയ്യുന്ന സ്ഥാപനത്തിനും, അല്ഫോന്സകുട്ടിയുടെ ഭര്ത്താവിനും.. എന്റെ ബെസ്റ്റ് വിഷസ്.. . പ്രത്യേകിച്ചും, ആ പാവം ഭര്ത്താവിന്റെ അവസ്ഥ എനിക്ക് നന്നായി മനസ്സിലാവും.. ഒരു വര്ഷത്തോളം നല്ലൊരു ഭാര്യ ആയിരുന്ന, എന്റെ എല്ലാ കാര്യങളിലും ശ്രദ്ധ പതിപ്പിച്ചിരുന്ന എന്റെ ഉത്തമയായിരുന്ന ഭാര്യ, ഒരു ജോലി കിട്ടി കഴിഞ്ഞപ്പോള് ആയപ്പോള് എന്റെ കാര്യവും ഗോവിന്ദ, ഗോവിന്ദ... മുന്പ് ഭക്ഷണം, വസ്ത്രം എല്ലാം റെഡി ആയിരുന്നിടത് ഇപ്പോള് മൊത്തം ഒരു അനശ്ചിതാവസ്ഥ ആണ്.. എന്നെപ്പോലെ, അല്ഫോന്സക്കുട്ടിയുടെ ഭര്ത്താവിനെ പോലെ, ഈ അനശ്ചിതാവസ്ഥ ജീവിതത്തില് നേരിടുന്ന എല്ലാ ഭര്ത്ത്ഹാക്കന്മാരോടും ഞാന് എന്റെ അനുഭാവം അറിയിക്കുന്നു...
കൊള്ളാം, ഇപ്പഴേലും ഒരു ജോലി കിട്ടിയല്ലോ....... :)
പിരിക്കുട്ടി - സ്നിക്കേഴ്സ് കൊണ്ടുവരാട്ടോ, ഇപ്പോ തല്ക്കാലം നാരങ്ങാമിഠായി കൊണ്ട് അഡ്ജസ്റ്റ് ചെയ്യൂ.
എക്സെച്ച് - ബ്ലോഗ് എഴുത്ത് കുറയില്ല. എനിക്ക് നിങ്ങളെയൊക്കെ ഇടക്ക് ബുദ്ധിമുട്ടിച്ചിലെങ്കില് ഉറക്കം വരില്ലാ ഹി ഹി ഹി.
പൊറാടത്ത് - എന്റെ ബുദ്ധിക്ക് ഇടക്ക് എന്തോ പറ്റും അപ്പോ അത് ബുന്ധിയാവും, പൊറുക്കൂ പൊറാടത്ത് ചേട്ടാ.
കുട്ടിച്ചാത്തന് - എന്താ പൂതി, അങ്ങനിപ്പോ ഞാന് വിട വാങ്ങുന്നില്ല. ഞെട്ടീന്നറിഞ്ഞതില് പെരുത്ത് സന്തോഷം.
ടിന്, പുട്ടുണ്ണി - താങ്ക് യൂട്ടാ :)
ചന്ദ്രകാന്തം - ആകെ മൊത്തം റ്റെന്ഷനാ ഇപ്പോ. എല്ലാര്ക്കും ചേട്ടായീയോടാ സ്നേഹം ഹും :(
അനില് - അതെ, എന്നെയ്യൊക്കെ സമ്മതിക്കണമല്ലേ.
സ്മിത - സെയിം പിഞ്ചിന് താങ്ക്സ്. പുതിയ ജോലിക്ക് എല്ലാ ആശംസകളും.
മനുജീ - റേഡിയോ മിര്ച്ചിക്ക് ആശംസകള്.
ശ്രീ - ഇല്ലാ, പൂട്ടിക്കില്ലാ, ഡോണ്ട് വറി.
എഴുത്തുകാരി - ഞെട്ടിയില്ലാല്ലേ, കഷ്ട്ടമായി പോയി, അടുത്ത പ്രാവശ്യമാവട്ടെ, ശരിക്കും ഞെട്ടിക്കാം :) ആശംസകള്ക്ക് താങ്ക് യൂ.
കാന്താരിക്കുട്ടി - കുട്ടി ഞെട്ടിയ ഒച്ച ഇവിടെ കേട്ടിട്ട് ഞാന് ഞെട്ടി. ആശംസകള്ക്ക് നന്ദീട്ടാ.
ബിന്ദു - ഞെട്ടല് രേഖപ്പെടുത്തിയതില് സന്തോഷം, ആശംസകള്ക്ക് നന്ദി.
സാജന് - അക്ഷരത്തെറ്റ് ഇനി തൊട്ട് ശ്രദ്ധിക്കാംട്ടോ. ആശംസകള്ക്ക് നന്ദി.
രസികന് - രസികന് ചേട്ടാ ആശംസകള്ക്ക് നന്ദി.
നരിക്കുന്നന് - ശരിക്കും ചിലവു ചെയ്യുന്നുണ്ട് എന്നും, ജീവിക്കണ്ടേ. ആശംസകള്ക്ക് ഒത്തിരി നന്ദി.
കുറ്റ്യാടിക്കാരന് - ഞെട്ടിയതില് പെരുത്ത് സന്തോഷം.
സ്പന്ദനം, ജിവി, ജിഹേഷ്, പിന് - ആശംസകള്ക്ക് നന്ദി, സന്തോഷം.
പ്രിയ - ഷുവര്, അതെ ചെയ്യൂ,
മാണിക്യം - ഞങ്ങള് തലമുറ തലമുറകളായി ഷുഗര് ഫാക്ടറികളാണ്, എന്റെ ഊഴം വന്നിട്ടില്ലാ ഇതു വരെ. ആശംസകള്ക്ക് നന്ദി.
മാഹിഷ്മതി - യോഗ്യത കൊഴപ്പമില്ലാ, ഇവിടെ ഒരു ജോലി കിട്ടാനുള്ള എല്ലാ ചാന്സുമുണ്ട്.
അന്നാമ്മ - അമ്പടീ.
പോങ്ങൂമ്മൂടന് - ‘അകക്കാതാല്‘ ഈ സാധനമൊക്കെയുണ്ടോ കയ്യില് :)
മനോജ് - അഖില ലോക വര്ക്കിങ്ങ് ഭാര്യമാരെ സംഘടിക്കുവിന്, അനിശ്ചിതാവസ്ഥ നിലനിര്ത്തുവിന്. ഹി ഹി ഹി.
മുരളിക - ലേറ്റായി വന്താലും ലേറ്റസ്റ്റായി താന് വരും :)
Best of Luck
നടന്നു നടന്ന് ഫിലിപ്പിനോപെണ്ണുങ്ങള്ടെ കൂട്ട് സ്ലിം ആകുന്ന കൂട്ടത്തില് കയ്യിലിരിപ്പോണ്ട് അറബീടെ കയ്യീന്ന് വല്ലോം വാങ്ങി,ഫിലിപ്പീനോ മൂക്കും കൂടെ സമ്പാദിക്കണ്ടാ..കാണാന് ഭയങ്കര ബോറായിരിക്കും ട്ടാ..പ്രത്യേകിച്ചും ആ എണ്ണക്കറുപ്പില്..ഫിലിപ്പിനോടെയല്ല,അല്ഫൂന്റെ(ഞാന് 6 മാസം കാട്ടീപ്പൂവാ..ഇതിനെനിക്ക് മറുപടി വേണ്ടാ..)
ശംബളം കിട്ട്യാ എനിക്കു വാങ്ങിത്തരാന്നു പറഞ്ഞ നെക്ക്ലേസ് മറക്കല്ലേ....
ഓഫീസില്ക്ക് സ്ഥിരായി ഈസി ഫ്രൈഡ് റൈസ് ആണോ കൊണ്ട് പോകുന്നെ..
ആയിരം കൂട്ടിച്ചോദിച്ചു,ആയിരം കുറച്ചു തന്നു..എന്നാലും എത്ര കിട്ടീന്നു പറയരുത് ട്ടാ..കള്ളി!
ഭയ ഭക്തി ബഹുമാനങ്ങളോടെ സ്വന്തം ഐശ്വര്യ!:D
ജോലി കിട്ടി അല്ലെ. ഇനി ലീവ് എടുക്കാലൊ. എനിക്ക് ലീവാ. നാട്ടിലെത്തട്ടെ എന്നിട്ട് കാണാം.
പെരുന്നാൾ ആശംസകൾ.
അങ്ങിനെ ആ കമ്പനിയ്ക്ക് ഒരു ജോലി ആയല്ലോ.. ആ കമ്പനിയില് ഒരു ജോലി എന്ന് തിരുത്തിവായിക്കുക..
എല്ലാ ആശംസകളും നേരുന്നു
ഒരു തെറ്റ് ഏത് അറബിക്കും പറ്റും എന്ന പഴമൊഴി ഓര്മ്മവന്നെങ്കിലും ഞാന് മറന്നു
best wishes..
വിസിലടിക്കാന് മുട്ടിനില്ക്കുന്ന പ്രെഷര്കുക്കര്--- ഉഗ്രന്.
ആഘോഷിക്കാനുള്ള മിഠായി ജോലി കിട്ടിയ ആള് വാങ്ങിത്തരുന്നതല്ലേ നല്ലത്.
:)
ഒരുത്തന്റെ നാട്ടിൽ അതിധിയായി വന്നു് അവനെ പരിഹസിക്കുന്നതു് മലയാളിയുടെ special കഴിവുകളിൽ ഒന്നാണു്. വളരെ നല്ല കാര്യം.
ഈ ബോറൻ kaippally മലയാളത്തെ കുളിപ്പിക്കും .
Post a Comment